घरदैलोबाट जनताको अपार माया पाएको छु— संघिय संसद उमेदवार रेग्मी

चन्द्रपुर- रौतहट क्षेत्र नं. ४ का संघिय संसद उमेदवार उद्धब प्रसाद रेग्मीले घरदैलो अभियानबाट जनताको अपार माया पाएको बताएका छन । सोमबार रौतहट क्षेत्र नं. ४ को क चन्द्रपुर नगरपालिका वाड नं. २ फुलवारी तथा जुडिबेलाको घरदैदलो कार्यक्रममा रेग्मीले यस्तो बताएका हुन । जनताको माया र सदभाबले आफुलाइ झन हौसला र उत्साह मिलेको रेग्मीले बताए । घरदैलो कार्यक्रममा स्थानिय स्तरका मतदाताहरुको बाक्लो सहभागिता र अपार मायाले झन शक्तिशाली बन्दै गएको महसुस भएको रेग्मीको धारणा थियो । निस्वार्थ भएर बिगतका दिनमा काम गरेको र काम गर्दा जनताले औला उठाउने कुनै पनि किसिमको काम नगरेकै कारण जनताको माया प्राप्त भएको उनले बताए । देश बनाउने पार्टी र आम जनताको पार्टी नेकपा एमाले भएकै कारण पनि जनताहरु आउदो निर्वाचनमा एमालेलाइ जिताउन आतुर देखिएको रेग्मीले बताए । रेग्मीले सोमबार फुलबार,कलटोल,रैयाटोल लगायतका टोलहरुको घरदैलो गरेका थिए । घरदैलो कार्यक्रममा नेकपा एमाले रौतहट क्षेत्र नं. ४ क का उमेदवार अखिलेश्वर चौधरी,प्रदेश सभा सदस्य समानुपातिक खस आर्य तर्फकी उमेदवार आरती भण्डारी, दलित तर्फका उमेदवार जित बहादुर बिक,नेकपा एमाले चन्द्रपुर नगर कमिटिका अध्यक्ष शिव प्रसाद आचार्य लगायत नेता तथा कार्यकर्ताहरुको बाक्लो उपस्थीती रहेको थियो ।