रौतहट,१६ कार्तिक
सत्ता गठबन्धनको केन्द्रिय तहका नेताहरुले लिखित रुपमा रौतहट क्षेत्र नं. ३ मा एमाले छाडेर स्वतन्त्र उमेदवार बनेका प्रभु साहलाइ समर्थन गरेको भएता पनि जिल्ला तहका नेताहरुले त्यसको अबज्ञा गरेका छन ।
सत्ता गठबन्धनले रौतहट क्षेत्र नंं ३ को संघिय संसदमा प्रभु साह,क प्रदेश सभा सदस्यमा नागेन्द्र यादब र ख प्रदेश सभा सदस्यमा सुनिल यादब उमेदवारलाइ एक आपसमा सहयोग गर्ने निर्णय भएको थियो । तर रौतहटका जिल्ला तहका नेताहरुले केन्द्रिय तहका नेताहरुले गरेको निर्णयलाइ अबज्ञा गरेका छन । सो क्षेत्रको नेकपा एसको तर्फबाट क प्रदेश सभा सदस्य नागेन्द्र यादब र नेपाली कांग्रेसको तर्फबाट ख प्रदेश सभा सदस्य उमेदवार सुनिल कुमार यादबले संघका स्वतन्त्र उमेदवार ओम प्रकाश जयसवाललाइ समर्थन गरेका छन । सुनिल यादब नेपाली कांग्रेसका जिल्ला सभापति हुन भने नागेन्द्र यादब नेकपा एसको तर्फबाट मधेश प्रदेशका वन तथा बाताबरण राज्य मन्त्री हुन ।
अहिले स्वतन्त्र उमेदवार जयसवाल,प्रदेश सभाका सदस्यका उमेदवार सुनिल यादब र नागेन्द्र यादबले संयुक्त ब्यानर बनाएर घरदैलो गरिरहेका छन ।
यता नेकपा माओबादी केन्द्रका उमेदवार धिरज पटेल पनि आफनो भोट माग्दै घरदैलो गरिहेका छन । उनलाइ पार्टीले उमेदवारी फिर्ता लिन भनेपनि आफनो उमेदवारी कुनै पनि हालतमा फिर्ता नहुने जनाइ सकेका छन ।
केही दिन अघि नै नेकपा एस,नेपाली कांग्रेस र नेकपा माओबादीका केही नेताहरुले प्रभु साहलाइ कुनै पनि हालतमा सहयोग गर्न नसकिने एक कार्यक्रमका बिच उदघोष गरिसकेका थिए । बुधबार जयसवाल सहितको टोलीले महमदपुर गाउको घरदैलो गरेको थियो । घरदैलोबाट उत्साह थपिएको संघिय संसदका उमेदवार ओम प्रकाश जयसवालले बताए । यो निर्वाचनमा संघमा जयसवाल क मा नागेद्र यादब र ख मा आफु निर्वाचित हुनेमा कुनै दुइमत नरहेको नेपाली कांग्रेसका रौतहट जिल्ला सभापति समेत रहेका ख का उमेदवार सुनिल कुमार यादबले बताए।
उमेदवारी दिने बेलामा एमालेलाइ धोका दिएर स्वतन्त्र उमेदवारी दिएका प्रभु साहलाइ अहिले न त सत्ता गठबन्धनको सर्मथन छ न त एमाले कै । अघिल्लो २०७४ सालको निर्वाचनमा सुनिल कुमार यादब निकटतम प्रतिद्धन्दीको रुपमा रहेका थिए । जयसलवाले सो निर्वाचनमा पनि करिब ९ हजार ल्याएका थिए ।
जयसवाल अहिले माछा छापको चुनाब चिन्ह लिएर चुनाबमा होमिएका छन । उनलाइ नेपाली कांग्रेस र नेकपा एसको सर्मथन छ ।
उता प्रभु साहले पनि आफना स्वतन्त्र उमेदवार क का कुन्दन कुशवाह र ख का केशब राय चौधरीलाइ साथ लिएर भोट माग्दै हिडेका छन ।
सोही क्षेत्रको क मा एमाले जसपा गठबन्धनको तर्फबाट पुर्व मन्त्री गोबिन्द चौधरीको छोरी पुजा चौधरीले उमेदवारी दिएकी छिन । उनी पनि दलबल सहित घरदैलो अभियानमा सक्रिय देखिदै आएकी छिन ।
रौतहट क्षेत्र नम्बर ३ मा कांग्रेस र नेकपा एसको सर्मथन स्वतन्त्र उमेदवार जयसवाललाइ
