चन्द्रपुर – नेकपा एमालेले चन्द्रपुर नगरपालिका वाड नं. ३ गैडाटारमा ब्यापक जनसहभागिता सहित सोमबार सो क्षेत्रको घरदैलो कार्यक्रम सम्पन्न गरेको छ । रौतहट क्षेत्र नम्बर ४ को प्रतिनिधि सभा सदस्यका लागी उमेदवार उद्धब प्रसाद रेग्मी र क प्रदेश सभा सदस्य उमेदवार अखिलेश्वर चौधरी सहितको टोलीले घरदैलो कार्यक्रम सम्पन्न गरेको हो । घरदैलोमा ब्यापक जनसहभागिताले थप उत्साहीत बनाएको प्रतिनिधि सभा सदस्य उमेदवार उद्धब प्रसाद रेग्मीले बताए । अब एकपटक जिताएर जनताले पठाए जनताले नसोचेको काम आफुबाट हुने समेत रेग्मीको भनाइ रहेको छ । जनताको धेरै समाजिक आवश्यकताहरु छन ति आवश्यकताहरुको माग पुरा गर्न नेकपा एमालेलाइ जिताएर देखाउनु पर्ने बेला आएको उमेदवार रेग्मीले बताएका छन । जनताको माग ब्यतिगत छैनन सबै समाजिक छन र ति मागहरु पुरा गर्ने खालका भएको हुदा आफु निर्वाचित भएपछि सम्बोधन गरेर नै छाडने समेत उनले बताए । यस्तै प्रदेश सभा सदस्य उमेदवार अखिलेश्वर चौधरीले एमालेको जितमा कुनै शंका नभएको समेत बताएका छन । एमाले प्रति बढदो जनलहरले गठबन्धन आत्तिसकेको समेत चौधरीले बताए । आफुले जितेपछि प्रदेश सरकारमा हुने नितिगत भ्रष्ट्रचारको निर्मुल पार्नु नै मुख्य लक्ष्य भएको उनको भनाइ रहेको छ ।
घरदैलो कार्यक्रममा नेकपा एमालेकी मधेश प्रदेश उप सचिब आरती भण्डारीले मधेश प्रदेश मै नेकपा एमालेको सबैभन्दा बढी सिटमा बिजयी हुने बताएकी छिन ।
घरदैलो कार्यक्रममा नेकपा एमालेका चन्द्रपुर नगर कमिटि अध्यक्ष शिव आचार्य एमाले नेता राजु धामी लगायत पार्टीका बिभिन्न तह तप्काका नेताहरु तथा कार्यकर्ताहरुको ब्यापक जनसहभागिता रहेको युवा परिचालन कमिटिका संयोजक देबराज न्यौपानेले जानकारी दिएका छन । एमालेको हरेक घरदैलो अभियानमा स्थानिय गाउटोल कै मतदातहरु स्वत स्र्फुत रुपमा हिडने गरेको संयोजक न्यौपानेले बताए । टोलीले पुरानो टोल,प्रणामीटोल,गाछीटो, कछडिया टोल लगायतको घरदैलो गरेको थियो ।
मंगलबार चन्द्रपुर नगरपालिकाको वाड नं. ४ को घरदैलो कार्यक्रम रहेको नेकपा एमाले वाड कमिटि अध्यक्ष डोल बहादुर मगरले जानकारी दिएका छन ।
ब्यापक जनसहभागिताका साथ गैडाटारमा एमालेको घरदैलो कार्यक्रम सम्पन्न
