रौतहट,२ पुस
रौतहटको बृन्दावन नगरपालिकाको नगर प्रमुख र उप प्रमुखको बिवादको कारण स्थानिय किसानहरु रसाइनिक मल पाउनबाट बंचित भएका छन ।
उक्त नगरपालिकाका नगर प्रमुख बिनोद प्रसाद कुर्मी र उप प्रमुख संगिता कुमारी रामको बिवादको कारण किसान रसाइनिक मल पाउनबाट बंचित भएका हुन ।
नगर प्रमुख संग बिवाद भएकै कारण उप प्रमुख रामले किसानलाइ बाडनु पर्ने रसाइनिक मल बितरणमा रोक लगाएकी छिन । जिल्लाका अन्यपालिकामा रसाइनक मल बितरण भइरहदा अहिले बृन्दावन नगरपालिकाका नगरबासीले मल पाउन सकेका छैनन । रासायनिक मलको हाहाकार चलिरहेको बेला साल्ट ट्रेडिङ कर्पोरेशन लिमिटेड रौतहट डिपोले जिल्लाका अन्य पलिकाहरुमा मलखाद बिक्री बितरण गरिरहेको अवस्थामा उपप्रमुख रामले पत्राचार गदै मल बितरणमा रोक लगाएकी हुन ।
शुक्रबार एक पत्र जारी गर्दै उपप्रमुख रामले साल्ट ट्रेडिङ कर्पोरेशन लिमिटेड डिपो गौरका कार्यालयलाइ पत्र लेख्दै अर्को निर्णय नहुन्जेल सम्म बिक्री वितरण पत्रचार गरेकी छिन । उनको यो पत्र विवादित बन्दै गएको छ । उनी जारी गरेको पत्रलाई लिएर समाजिक सञ्जालमा समेत विरोध हुन थालेका छ ।
मलको अभाव भोग्दै आएका किसानले थोरै भएपनि खादमाल पाउने आशामा बसेका सो पालिकाका किसान निरासा बन्न पुगेका छन् । पत्रमा लेखिएको व्यहोराले जिल्लाको सम्पूर्ण पालिकामा आपूर्ति रोक्न आग्रह गरिएको जस्तो देखिन्छ । यद्यपि उनले कहाँको आपूर्ति रोक्न भनेको हुन् त्यो समेत पत्रमा खुलाइएको छैन । जसको कारण अन्योलता बढेको छ । यता नगर प्रमुख विनोद प्रसाद कुर्मीलाई सोध्दा यसबारे आफूलाई कुनै जानकारी नै नभएको र नगरपालिकाको कुनै निर्णय समेत नभएको बताउँछन् । किसानलाई आवश्यक मलखाद उपलब्ध गराउनु जनप्रतिनिधिको दायित्व रहेको हुँदा आफू त्यसतर्फ सकारात्मक रहेको नगर प्रमुख कुर्मीले बताए । रौतहटका अन्य पालिकामा भने बिभिन्न सहकारी संस्था मार्फत रसाइनिक मल बितरण भइरहेको छ ।
अहिले किसानलाइ गहु बालीमा र तोरीमा हाल्न रसाइनिक मलको अत्यावश्यक पर्दछ ।
नगर प्रमुख र उप प्रमुखको बिवादले किसान रसाइनिक मल पाउनबाट बंचित
