चन्द्रपुर – रौतहटको चन्द्रपुर नगरपालिका वाड नं. १को पौराईका ज्येष्ठ नागरिकहरुलाई आइतबार एक कार्यक्रमका बिच सिरकसहित टोपी तथा झुल वितरण गरिएको छ । चन्द्रपुर नगरपालिकाको वडा नम्बर १ स्थित पौराईको वडा कार्यालयमा सो सामग्री सोही क्षेत्रका जेष्ठ नागरिकहरुलाई वितरण गरिएको वडा अध्यक्ष बलराम राउतले जानकारी दिनु भयो । चन्द्रपुर नगरपालिकाको संयोजक तथा वडा कार्यालयको पहलमा जेष्ठ नागरिकहरुलाई सिरक , टोपी तथा झुल वितरण गरेको नगर प्रमुख संजय काफ्लेले बताउनु भयो । चिसोका कारण जेष्ठ नागरिकहरुको स्वास्थ्यमा असर पर्न सक्ने भएकाले उक्त समस्यबाट जोगाउनका लागि सिरक तथा झुलको ब्यबस्थापन गर्नु राम्रो पक्ष रहेको चन्द्रपुर नगर उद्योग बाणिज्य संघका अध्यक्ष उदय नारायण सापकोटाले बताउनु भयो । वडा कार्यालयमा सञ्चालन भएको सो कार्यक्रममा नगर प्रमुख संजय काफ्ले, नगर उद्योग वाणिज्य संघका अध्यक्ष उदय नारायण सापकोटा , चन्द्रपुर–१ का वडा अध्यक्ष बलराम राउत वडाका वडा सदस्यहरुको साथै विभिन्न पार्टी प्रतिनिधीहरु लगायतको सहभागिता रहेको थियो ।
चन्द्रपुर नगरपालिकाका करिब ७ सभ भन्दा बढी जेष्ठ नागरिकहरुलाइ सिरक,झुल तथा टोपि बितरण गर्ने कार्यक्रम रहेको छ ।
जेष्ठ नागरिकलाइ चिसोबाट जोगाउन सिरक,झुल टोपीको निःशुल्क ब्यबस्था— नगर प्रमुख काफले
