चन्द्रपुर – नेपाल रेडक्रस सोसाइटी चन्द्रनिगाहपुर उपशाखाको पहिलो बैठक शनिबार चन्द्रनिगाहपुरमा सम्पन्न भएको छ । शाखाका सभापति श्रीकृष्ण प्रसाद अधिकारीको अध्यक्षतामा बसेको बैठकले बिभिन्न ८ वटा उप समिति तथा सल्लाहकार समिति गठन गर्ने निर्णय गरेको छ ।
नेपाल रेडक्रस सोसाइटी चन्द्रनिगाहपुर उपशाखाको सल्लाहकार समितिमा रौतहट क्षेत्र नं. ४ का संघिय संसद देब प्रसाद तिमलसिना,रौतहट क्षेत्र नंं ४ क का प्रदेश सभा सदस्य युवराज भट्टराई,चन्द्रपुर नगरपालिकाका नगर प्रमुख संजय काफले,चन्द्रपुर अस्पतालका संचालक डा. सुवास चौधरी र चन्द्रनिगाहपुर अस्पतालका प्रमुख अभिनन्दन श्रीवास्तबलाइ राख्ने निर्णय भएको उपशाखाका सभापति श्रीकृष्ण प्रसाद अधिकारीले जानकारी दिएका छन ।
बैठकले नेपाल रेडक्रस सोसाइटीको संसोधित बिधान अनुसार चन्द्रनिगाहपुर उपशाखालाइ गतिशिल बनाउन बिभिन्न ८ वटा उपसमिति पनि गठन गरेको सभापति अधिकारीले जानकारी दिए ।
नव गठित बिपत ब्यबस्थापन उप समितिको संयोजकमा श्रीकृष्ण प्रसाद अधिकारी,स्वास्थ्य तथा रक्त संचार उप समितिको संयोजकमा बसन्त कुमार आचार्य,लैगिक तथा समावेशीकरण उपसमितिको संयोजकमा शोभा खरेल,आर्थिक तथा स्रोत परिचालन उप समितिको संयोजकमा संजय कार्की,निमार्ण तथा खरिद उप समितिको संयोजकमा लालबाबु साह,मानबिय मुल्य,प्रचार प्रसार तथा प्रशिक्षण समितिको संयोजकमा रमेश तिमलसिना,जुनियर तथा युवा उप समितिको संयोजकमा जय नारायण चौधरी र प्राथामिक उपचार सेवा उपसमितिको संयोजकमा राजेश खडका रहने निर्णय भएको सभापति अधिकारीले जानकारी दिएका छन ।
बैठकमा नेपाल रेडक्रस सोसाइटी चन्द्रनिगाहपुर उपशाखाका उपसभापति शोभा खरेल,सचिब लालबाबु साह,उपसचिब राजेन्द्र तिवारी,कोषाध्यक्ष संजय कार्की,उप कोषाध्यक्ष रमेश तिमलसिना,सदस्यहरु कोपिला तिमलसिना,बसन्त आचार्य,जय नारायण चौधरी,घनश्याम सुन्दर श्रेष्ठ लगायतको उपस्थीती रहेको थियो ।
नेपाल रेडक्रस सोसाइटी चन्द्रनिगाहपुर उपशाखाको गत चैत्र २५ गते २३ औ अधिवेशनबाट नया कार्य समिति चयन भएको थियो ।
नेपाल रेडक्रस सोसाइटी चन्द्रनिगाहपुर उपशाखाको बिभिन्न ८ वटा उप समिति गठन
