रौतहट,११ जेठ
एक हप्ता नबित्दै रौतहटमा दुई जनाको हत्या भएको छ । गत शुक्रबार गौर नगरपालिका वडा नम्वर ७ सिसवा टोलका ४५ वर्षीय यार महम्मद खानको हत्या भएको एक हप्ता नपुग्दै देबाही गोनाही नगरपालिका वडा नम्बर १ निवासी ७० वर्षीय शेख तैयाबको हत्या भएको हो ।
खानको घर देखी १ किलोमिटर दक्षिणमा रहेको मन्दिर नजिक बाटोमा गोली हानी हत्या गरिएको अवस्थामा बिहिवार बिहान शब भेटिएको मृतकका छोरा शेख असलमले जानकारी दिएका छन् । गाउकै मजहर आलम भन्ने मोगले आलमले पुरानो रिसीबीको कारण घटना घटाएको उनले आरोप लगाएका छन् ।
बुबाको हत्यामा करुनिया निवासी राशिद अलिका छोरा प्रवेज अन्जुम, शेख तावारक, बिशुनी पटेल, रामबाबु र जयनगर निवासी मोगले आलमको भिनाजु नाता पर्ने शेख बिगनको संलग्नता रहेको आरोप मृतकका छोरा प्रवेज आलमको संलग्न रहेको छोरा असलमको दाबी छ ।
घटना हुनु भन्दा पहिला राती १२ बजेको समयमा पटाका पड्काइएको र गोली चलेको अवाज सुनिएको मृतकका भतिजो शेख इमताफले बताए ।
गत शुक्रबार गौर नगरपालिका वडा नम्वर ७ सिसवा टोलका ४५ वर्षीय यार महम्मद खानलाई राती धारिलो छुरा प्रहार गरेर हत्या गरिएको थियो । यार महम्मद गएराति खाना खाएर घर बाहिर घुमफिर गर्न निस्किएको समयमा छिमेकी शेख कादिर बिच कुनै विषयलाई लिएर सामान्य बादविवाद भएपछि कादिरले खल्तीबाट धारिलो छुरा निकालेर महम्मद माथि प्रहार गरेका थिए ।
आरोपित कादिरलाइ रौतहट प्रहरीले पक्राउ गरिसकेको छ । दुबै घटनाको गम्भीर अनुसन्धान भइरहेको जिल्ला प्रहरी कार्यालयका प्रमुख बिर बहादुर बुढा मगरले जानकारी दिए ।
हप्तादिन नबित्दै रौतहटमा २ जनाको हत्या
