चन्द्रपुर – रौतहटको चन्द्रपुर नगरपालिका सहित देशैभरीका निजी बिद्यालयका सञ्चालकहरूले साउन २८ गतेबाट अनिश्चितकालीन विद्यालय बन्द घोषणा गरेका छन् । रौतहटको चन्द्रपुर नगरपालिका भित्र रहेका निजि बिद्यालयका संचालकहरुले नगर प्रमुख संजय कुमार काफलेलाइ आफनो ध्यानाकर्षण हस्तान्तरण गदै यस्तो बताएका हुन ।
विद्यमान शिक्षा ऐन २०२८ लाई प्रतिस्थापन गर्नका लागि तयार गरिएको विद्यालय शिक्षा सम्बन्धी कानुनलाई संशोधन र एकीकरण गर्न बनेको विधेयक–२०८०’’ को बिरोधमा निजी बिद्यालयका संचालकहरुले बिद्यालय बन्द गर्ने निर्णय गरेको प्याबसन मधेश प्रदेशका अध्यक्ष दिपक रेग्मीले जानकारी दिए ।
सरोकारवालाका सुझावहरूलाई वेवास्ता गरी बिधयेक तयार गरिएको भन्दै विद्यालय शिक्षा ऐनको मस्यौदा सच्याउन माग गरेको तर माग पुरा नभए साउन २८ गते देशभरीका निजी बिद्यालय बन्द गर्ने अध्यक्ष रेग्मीले जानकारी दिएका छन । आन्दोलन गर्नेहरुमा प्याब्सन, एन प्याब्सन र हिसान लगायतका संस्थामा अबद्धहरु रहेका छन । साउन २८ गते बिद्यालय बन्द लगायतका बिरोधका कार्यक्रम गर्दा पनि माग सुनुवाई नभए भदौ १ गतेबाट विद्यालयका सवारी साधनहरू सरकारी सवारी साधन पार्किङ गर्ने सार्वजनिक स्थलमा पार्किङ गर्ने कार्यक्रम रहेको ब्याब्सनका चन्द्रपुर नगर अध्यक्ष लोक बहादुर श्रेष्ठले जानकारी दिए ।
गरी मस्यौदाको दफा ४ उल्लेख भएको निजी विद्यालयको स्थापना र सञ्चालनसम्बन्धी दफाको उपदफा (३) मा प्रचलित कम्पनी कानुनबमोजिम स्थापना भई सञ्चालनमा रहेका संस्थागत विद्यालय यो ऐन प्रारम्भ भएको मितिले पाँच वर्षभित्र शैक्षिक गुठीको रूपमा रूपान्तरण गरी सञ्चालन गर्नुपर्ने बुँदा हटाएर हालकै अवस्थाको हुनुपर्ने ब्याब्सनका केन्द्रिय सचिब केबी थापाले बताए ।
यही २८ गतेबाट विद्यालय बन्द भएमा करिब ८ हजार शिक्षण संस्थामा अध्ययनरत ३० लाख विद्यार्थी पठनपाठनबाट बञ्चित हुने केन्द्रिय सचिब थापाको भनाइ रहेको छ ।
यसैगरी प्याबसन रौतहटकी कोषाध्यक्ष लक्ष्मी चौहान कार्कीले कम्पनीमा सञ्चालन भइरहेका शिक्षण संस्थालाई गुठीमा लैजाने प्रस्ताव गर्नु गैरकानुनी र संविधानविपरीत भएको आरोप लगाउनुभएको छ ।
नगर प्रमुख काफलेलाइ ध्यानाकर्षण बुझाउन माउन्ट एभरेष्ट आवासिय माबिका अध्यक्ष उमेश बास्कोटा,मुनलाइट एकेडेमीका प्रिन्सीपन श्याम किशोर चौधरी,चन्द्रपुर एकेडेमीका अध्यक्ष बसन्त आचार्य लगायतका निजि बिद्यालयका संचालकहरुको सहभागिता रहेको थियो ।
‘साउन २८ गतेबाट निजी बिद्यालय बन्द’
